ЦИМЕТ РОЛНИЧКИ НА НАШ НАЧИН

СОСТОЈКИ: 

За тестото: 

• ½ од голема банана,или една мала
• 6 лажици брашно од спелта ( додај повеќе ако има потреба)
• 1 лажиче пециво
• 1 лажица растително млеко

За филот: 

• 1 лажица кафеав шеќер
• 1 лажиче цимет
• Кокосово масло за премачкување 

За топинг:

• 1 голема лажица сируп агаве, јаворов или урма
• 1 лажица грчки јогурт
• 2-3 лажици нискомасно млеко, густина по желба
• цимет, по желба

НАЧИН НА ПОДГОТОВКА:

Изгмечи ја во еден сад бананата со вилушка, па додај ги брашното и пецивото. Измешај ја убаво смесата па додај една лажица млеко, и ако е претечна смесата додај брашно по потреба. 

Знај дека колку повеќе додаваш брашно, толку потврдо ќе биде тестото, а ние не го сакаме тоа.

Не очекувај да ти излезе совршено тесто , ќе биде лепливо, па на набрашнета површина префрли ја смесата и со набрашнети раце притискај со прстите за да добиеш долгнавесто тесто, од прилика 25цм на 15цм. Го премачкуваш со претходно растопено кокосово масло и посипуваш со шеќер и цимет. Може да ја пресечеш формата на две и да си направиш потенки ролнички.

Јас рерната ја загреав на 220 , печев пола саат од прилика на 200 па при крај намалив на 180 кога видов дека добиваат боја , за да не ми изгорат а да се испечат внатре. Печев во хартиени корпички во калап за мафини. 

На крај се прави топингот и убаво се меша, а потоа се истура врз ролничките. Обожавам цимет ролни, а секој пат кога ќе помислам колку се само калорични и полни со шеќер се откажувам од нив. Овој пат со наш рецепт.

На здравје празниците!

Сакањеее,

Ана

Калориска вредност
Калории: 520kcal | Масти: 13g | Протеини: 12g | Јаглехидрати: 89g