Ручек: ВЕГЕ ОПЦИЈА - ПЛЕСКАВИЧКИ ОД НАУТ
Калории: 721kcal
- 200-250 гр наут од конзерва
- 1 среден компир
- 1 морков
- 1 мала главица кромид
- лукче по желба
- 1 лажица сусам
- 1 лажица сончоглед
- 1 лажиче сув зачин или сол
- За прилог: Една тиквица по вкус лук и магдонос, малку масло.
Компирот и морковот се лупат и се сечат на мали коцкички и ги ставаш да се варат. Од кога ќе се сварат битно е да бидат убаво исцедени за полесно да се формира плескавичка.
Кромидот се ренда, а лукчето на ситно се сечка или помини го низ преса.
Сите состојки ги додаваш во длабок сад, заедно со сусамот и сончогледот. Се мешаат и се прават форми на плескавички. Рерната се загрева на 200 степени, а плескавичките се печат на мрсна хартија.
Тиквичките се пропржуваат како гарнир од страна. Јас ги обожавам со малку балсамик, магдонос и лукче. На здравје Веге Армијо!
Калории: 721kcal | Јаглехидрати: 108g | Protein: 30g | Масти: 19g