За овој рецепт не ти треба блендер. Стави го просото/кус кусот во едно ѓезве да се вари, а за тоа време исецкај го лососот на коцкички. Прилично е нежен па не треба во блендер за да не стане кашесто. Во длабок сад измешај ги лососот, сварено и исцедено просо или кус кус (како последна опција за замена ја ставив овес доколку немаш ни едно ни друго), исецкан зеленчукот и зачините, и формирај бургерчиња. Доколку ги пржиш внимавај да не ги изгориш затоа што не им треба многу. Изгмечи го авокадото, додај сок од лимон и зачини и сервирај како прилог. Комбинирај со свежа рукола, краставица, црвен кромид и балсамик.