Во првата лекција ја опишав широката намена на ластиците и стојам до тоа дека се идеални буквално за СИТЕ! Сакам да експериментирам кога станува збор за вежбањето и да внесувам новитети во програмите. Моите тренинзи се менуваат во зависност од сезоната, но ластиците се оние кои не ги исклучувам од рутината затоа што се уверив во нивната ефикасност. Се што ќе видиш на мојот профил е испробано и тестирано на мене. Ми помогнаа да си ја вратам силата после операција и можам да се пофалам со успешна рехабилитација. Ми помагаат и сега. 

Она што ми се допаѓа кај нив и го ставам пред тежинскиот тренинг е разновидноста на вежбите кои ги нудат. Пробај направи еден обичен чучен без или со тежина, сеедно, а потоа повтори го истото движење со ластик. Што забележуваш? 

-Еве јас ќе ти помогнам.

Не ти дозволува да “мамиш” на тренинг, а тоа се случува често без да знаеме. Не секогаш сме со енергија до плафон кога вежбаме. Има и такви денови кога едвај сме се натерале да станеме, но сепак сме ги облекле патиките и тоа е за пофалба, но што се случува навистина на тој тренинг? Ние луѓето сме такви да во било која ситуација сакаме да си помогнеме сами на себе и да си ги олесниме работите, па од тука доаѓа и тоа “мамење” при изведување на вежбите, а тоа не е ништо друго туку помала контракција со мускулот, а тоа значи и помала ефикасност на самиот тренинг.

Затоа ги обожавам ластиците, со нив вистината излегува на површина и затоа дополнително ја предизвикуваат нашата прогресија на издржливост. За дополнителен отпор може да ги зголемиш повторувањата со побрзо темпо, а ластиците се оние кои ќе “те чуваат” т.е ќе го намалат ризикот од повреда. Одлични се, ќе ги обожаваш!

Без разлика која е твојата цел, било тоа да е зголемување на мускулна маса, намалување на килограми, дефиниција… ластиците се идеални за секој и за различна цел. Познато ти е дека мастите се топат кога телото дава поголем отпор, но исто така сакам да знаеш дека формирање на ново мускулно ткиво е многу побавен процес, па доколку твојата цел е накачување на мускулна маса те советувам да вметнеш и тежина покрај ластиците за уште повпечатлив ефект. 

Значи, без разлика дали си на почеток или ова ќе биде надградба на твојот тренинг, не се двоуми, зашто нема да најдеш подобра опција за целта која сакаме да ја постигнеме. #сиГАЗиме

Уште една од многуте причини зошто ги обожавам е тоа што прво се достапни, лесни за пренесување, а пакетот од пет ластици со различен отпор го собира и во ташна!

Може да се трансформираш во Super Woman и спремиш за трениг било каде, во секое време! Памти ми ги овие зборови: Најмногу ќе им се израдуваш на одмор! Се плашиш дека ќе испуштиш тренинг и се прашуваш како да ја одржиш формата додека си негде настрана од дома, на одмор или службено патување?! Спакувај ги во најмалата преграда на куферот и веќе си ја понела цела опрема за тренинг со тебе!

Епа како да не ги сакаш?! 

Можеби ластиците ќе бидат твое прво искуство во светот на фитнесот и си пресен вежбач, нека не те плаши ништо! Затоа постојат пет различни нивоа. Не сме сите во иста кондиција и спремност, а тоа не треба да те демотивира. Дај си време и биди редовна со тренинзите. 

Титулата #СиГАЗиме не ја стекнавме преку ноќ и од лежење!

Познато е дека класичното кревање на маса со тежини е најефикасно, но со правилна намена на ластиците многу лесно може да дојде до голема промена на телото, затоа ги снимив предлог тренинзите со ластици и уште 56 вежби за замена, специјализирани за долниот дел од телото. 

Пред се, мора да си свесна дека целиот процес зависи од тебе и твојата посветеност да се сакаш себе си што посилно. Второ, доколку не пропуштиш тренинг со ластиците за отпор, за некоја недела ќе ги забележиш и резултатите.

Ако си била или си дел од Армијата веќе виде како делуваат програмите. 

Епа сега имаме плус и дополнителен отпор! 

Во превод: Ќе делуваат ДУПЛО ПОВЕЌЕ!