АЛФРЕДО ПАСТА
Состојки
- 1 кромид
- 1 чешне лук опционално (пожелно за вкус)
- 1 пиперка опционално
- 150 гр пилешки/мисиркин стек/ВЕГЕ: 60гр сејтан
- 50 гр интегрална паста
- 1 лажица грчки јогурт
- 30 гр фета
- 1 полна рака спанаќ
- Малку од водата во која се вари пастата
- Зачини: шарена сол, бибер и тако зачин
Начин на припрема
Неверојатен вкус, верувај ми. Стави ја пастата да се вари (најпожелно е паста од леќа, наут или хељда за плус протеини, но не е грешка и ако е интегрална), а додека се вари пастата на 1 лажица маслиново масло во тавче пропржи ги исецканите лук и кромид. Штом омекнат додај го спанаќот и стекот/сејтанот исецкан на парченца па пржи додека не фати боја. Додај малку од водата во која се вареше пастата и 1 лажица грчки јогурт заедно со фетата и зачините, промешај убаво и остави да се крчка некое време додека да се соединат сите состојки, можеш и да намалиш температура па да покриеш со капак ако не ти се брза, но и не мораш. На крај додај ја во тавчето и сварената паста, промешај и нека крчка додека не испари течното.
