ЧОРБА од карфиол и сладок компир
Состојки
- 1 китка мал карфиол
- 1 сладок компир до 150 гр
- 1 морков
- 1 кромид
- 1 чешне лук
- Малку свеж ѓумбир
- 50 мл доматно пире
- 1 коцка за супа
- 250 – 300 мл вода
- 2 лажици грчки јогурт
- Зачини за карфиол: сол, бибер, ѓумбир во прав, цимет, куркума
- 1 парче интегрално лепче
Начин на припрема
Карфиолот исецкан попрскај го со малку маслиново масло и зачините, и стави го да се пече на хартија на 220 степени 15-тина минути. Во меѓувреме, во тенџере на 1 лажица маслиново масло стави да се пропржат кромидот, лукот и морковите, па по 5 минути додај го и ѓумбирот. Додај ја водата, доматното пире, коцката за супа и слаткиот компир. Остави да се крчка на тивко додека не омекне зеленчукот, некои пола саат. На крај додај го грчкиот јогурт и испечениот карфиол па соедини се со помош на рачен блендер, или како ти одговара. Потпечи го лепчето и уживкај.
