КРЕМАСТА ВЕГЕ ПАСТА
Состојки
- 50 гр протеинска паста (од леќа, хељда, наут – ја има во ДМ, Тинекс)
- 200 гр свежи печурки
- 1 кромид
- 1 лукче
- ½ канче грчки јогурт
- 1 лажиче пармезан
- Зачини: шарена сол, бибер, лукче во прав, оригано, нане
Начин на припрема
Вклучи ја рерната да се загрева (на 220 од прилика), а пастата стави да се вари. Во едно тавче за печење на хартија стави ги исецкани кромидот, лукчето и печурките, попрскај ги со малку маслиново масло и стави да се печат. Штом омекнат, додај им грчки и пармезан и зачини, промешај и врати на печење да се спојат сите вкусови, а пастата сварена исцеди ја од вишокот течност. Додај ја сварената паста во тавчето за печење, промешај и врати пак уште малку на печење, ти си го диктираш времето во смисол дали сакаш поиспечено или само колку да се спојат. Втора варијанта ти е, свари паста, пропржи кромид, лук и печурки, додај им грчки и пармезан и зачини, па сварена паста на крај во истото тавче, на рингла. Кој начин и да го избереш, нема да згрешиш – секако е превкусно!
