Протеински колач со пудинг (за појадок или вечера)
Состојки
Протеински пудинг од чоколадо (Имлек): 2 пудингчиња
Јајца: 2
Интегрално брашно: 100 грама
Прашок за печиво: половина мало лажиче
Засладувач: маџун или мед, по вкус
Декор: замрзнати вишни или малини или чаша протеинско млеко
Начин на подготовка:
Во голем сад, измешај ги чоколадните протеински пудингчиња со јајцата додека не добиеш мазна смеса. Постепено додај го интегралното брашно и прашокот за печиво, а потоа додади мала количина маџун или мед за вкус. Промешај додека смесата не стане хомогена.
Истури ја смесата во тава обложена со хартија за печење или благо намастена, израмни ја површината и стави ја во претходно загреана рерна. Печи на 185°C околу 30 минути, или додека чепкалка излезе чиста од средината на колачот.
Остави го колачот да се излади, потоа декорирај го со замрзнати вишни или малини за свежина и малку киселкаст вкус. Доколку си на Инста Фит за еден оброк потребно е да изедеш 1/4 од тавата во која што печеше, остатокот замрзни си го за ужина или еден дел утре за појадок. На здравје!
Најчесто поставувани прашања:
Може ли да заменам или додам други состојки? Да, можеш да го замениш медот со агаве сируп или да користиш рендано чоколадо како декорација.
Може ли овој рецепт да биде без глутен? Да, само треба да користиш безглутенско брашно, како на пример брашно од рижа или наут.
Како можам да ги складирам остатоците? Складирај ги во херметички затворен сад во фрижидер и изедете ги во рок од 2-3 дена.
Како се загрева овој рецепт? Можеш да го загрееш во микробранова печка на кратки интервали од 10-15 секунди.
Може ли да користам друг тип на засладувач? Да, можеш да користиш стевија или еритритол како алтернатива на маџун или мед.
Има ли здрави додатоци за овој рецепт? Да, можеш да додадеш семки од чиа или ленено семе во смесата за дополнителни омега-3 масни киселини.
Нутритивни Вредности (по оригинален рецепт):
Макронутриенти:
Калории: 761 кал
Протеини: 37 г
Јаглехидрати: 125 г
Влакна: 18 г
Масти: 15 г
Микронутриенти:
Витамин А: 8% од дневните потреби
Витамин Ц: 5% од дневните потреби
Калциум: 10% од дневните потреби
Железо: 15% од дневните потреби
Магнезиум: 12% од дневните потреби
Калиум: 8% од дневните потреби
