Written by 
Состојки
- 1 парче интегрално лепче
- 1 мала китка карфиол (колку една рака)
- 50 гр црвена леќа
- 1 кромид
- ½ морков
- ½ црвена пиперка опционално
- Лукче
- 200 мл доматен сос
- 3-4 маслинки
- 1 лажица соја сос
- 1 лажиче сенф
- Зачини: оригано, црвен пипер, црн бибер, нане
- Свежи билки опционално
- Туршија или свежа салата како прилог
Начин на припрема
Ајде да затропа лажица малку! Исецкај ги зеленчуците, на 1 лажица маслиново масло пропржи ги прво кромидот, лукчето, морковот и пиперката. Штом омекнат, додај го карфиолот расцепкан на цветчиња и леќата, додај и зачини и измешај па стави го доматниот сос и додај вода по потреба, ако сакаш да е потечно. На црвената леќа не и треба многу време да се свари а ни на карфиолот, така да за брзо време ќе имаш ручек. Проверувај си, па штом се сварени додај ги маслинките, соја сосот и сенфот. Почекај да покрчка додека да се спојат сите вкусови и ти сама си ја диктираш густината . Може да комбинираш со туршија или свежа салата.