🥗 Денешна Исхрана – Зошто протеинот е број еден макро?

Протеинот е градежниот материјал на твоето тело – од мускулите, косата и кожата, до хормоните и ензимите што го регулираат секој процес во организмот.
Без него, телото не може да се обнови, да се зајакне или да се обликува.

Но најчесто токму тој недостига во исхраната на жените. Наместо протеин, денот почнува со шеќер, а завршува со јаглехидрати — и затоа резултатите доаѓаат побавно, апетитот е нестабилен, а енергијата постојано паѓа.

Протеинот е најважниот макронутриент без разлика на целта, затоа што:

• го зголемува чувството на ситост и го контролира апетитот,
• ја забрзува метаболичката активност,
• ја одржува мускулната маса дури и кога слабеењето е фокус,
• помага во регенерација по тренинг,
• го поддржува хормоналниот баланс и имунитетот.

📌 Наједноставно кажано: без доволно протеин, нема цврсти мускули, нема забрзан метаболизам и нема стабилна енергија.

Научи како да го внесуваш во вистинска количина и комбинација според твојата цел – затоа што количината и времето на внес прават огромна разлика во резултатите.

Протеинот е буквално градежниот материјал на твоите мускули.
Без него, телото нема со што да ги обнови микроповредите што настануваат при тренинг, а токму тие микро-пукнатини создаваат нов раст.

За оптимален резултат, потребно е да внесуваш протеин на секои 3–4 часа, за мускулите постојано да имаат достапни аминокиселини. Најдобро е комбинација од брзи (сурутка, јајца) и бавни извори (месо, урда, мешунки).

📌 Колку подобро е нахранет мускулот, толку побрзо се регенерира и расте.

Пример оброк:
🍗 Пилешки гради (150 g) + варен ориз (80 g) + зеленчук + маслиново масло (1 лажица)
– балансиран внес на протеин, енергија и здрави масти за градење мускул.