🏋️ Денешен Тренинг – Ден за одмор

Денес не правиме класичен тренинг – денес учиме зошто одморот е најважниот дел од трансформацијата. Можеби ќе помислиш: „Па како ќе напредувам ако одмарам?“ Но вистината е токму спротивното – без одмор, нема резултати.  Без одмор, мускулите немаат време да растат, телото не може да се регенерира и резултатите ќе стагнираат.

👉 Зошто одморот е важен?

• во текот на спиењето и паузата се гради мускулното ткиво,
• нервниот систем се обновува и ти враќа сила за следниот тренинг,
• се намалува ризик од повреди и претренираност,
• хормоните за раст и обновување (HGH, тестостерон) се активни кога се одмараш.

📌 Одмор не значи цел ден да лежиш – туку да му дадеш на телото активна регенерација.

Активности за Ден за одмор:

• лесно одење на свеж воздух,
• истегнување или јога 15 минути,
• foam rolling или масажа,
• медитација или длабоко дишење за смирување на нервниот систем.

Мускулите не растат за време на тренингот – туку за време на одморот. Токму во овие часови телото ги користи протеините и ги гради новите мускулни влакна. Ако го прескокнеш одморот, не само што ќе ја загубиш шансата за раст, туку можеш и да ослабиш.
📌 Денот за одмор е како да му даваш дозвола на телото да го гради она што си го „засеал“ со тренингот.