Материјал 1,
Тема 1
Во тек
ХРАНА
ПОЈАДОК: ФИТ ПРЖЕНИЦИ
Состојки
- 2 интегрални коцка лепчиња
- 1 големо јајце или две помали
Прилог:
- 1 лажица урда
- 30-50 гр. пилешки/мисиркини гради
- домат
- младо кромитче
Инструкции
- Ќе најдеме ние начин да јадеме се што сакаме, но ајде да биде тоа на поздрав начин. Наместо да ги потопиме лепчињата во тава полна со зејтин, може да ги испечеме. Подготви си тавче со хартија за печење, измати го јајцето и потопи ги лепчињата во јајцето, па нареди ги на хартијата. Можеш со вилушка да ги избоцкаш лепчињата за јајцето да се впие насекаде, па стави ги во рерна на печење, за максимум 15 минути ќе имаш готов појадок и никогаш повеќе нема да посегнеш по мрсни пржени лепчиња.
- За веге појадок, само испушти ги пилешките/мисиркините гради од прилогот и додади си уште една плус лажица урда.
Notes
Калории ВЕГЕ: 258 kcal | Масти: 8g | Протеини: 18g | Јаглехидрати: 27g
УЖИНА: МАЛИНА КОЛАЧИЊА
Состојки
- 150-200 гр малини
- 1 лажица чиа
- 1 лажица јаворов сируп или друг течен засладувач
- Темно чоколадо со над 75 % какао за преливање
Инструкции
- Изгмечи ги малините (одмрзнати) со вилушка па додај ги чиата и засладувачот и промешај до хомогена смеса. На хартија за печење истури од смесата по една лажица и стави во фрижидер да се смрзнат. Откако се стврднат прелиј со стопено чоколадо. Ако ги направиш ќе имаш за повеќе денови ужинки.
- Замена: 1 ред црно чоколадо со 75% какао и една шака малини
РУЧЕК: КРЦКАВО ПИЛЕШКО/ТОФУ
Состојки
- 150 гр пилешки гради стек или 150 гр тофу
- 1 белка од јајце
- 2-3 лажици овес смелен како брашно
- сусам по желба
- зелка или зелена салата по желба или
- рукола морков и цвекло
Дресинг:
- 1 лажиче сенф
- 1 лажиче мед
Инструкции
- Пилешкото сечи го на неколку тенки парчиња како филе, може да го пржиш на малку маслиново масло, но секако секогаш подобра опција е да го печеш на хартија доколку времето ти дозволува. Подели овес во 2 садчиња и белката изматена во трет сад. Увалкај парче стек прво во овес, па во белка па пак во овес и положи го на хартијата, и истите чекори повтори ги со сите парчиња. Можеш да наросиш малку сусам и суви или свежи зачини по желба. Додека се пече пилешкото, измешај го сенфот со медот во нив може да си мацкаш, а направи си и една голема свежа зелена салата.
- Напомена за ВЕГЕ: според истите инструкции за пилешкото, насечкај го тофуто на парчиња и повтори ги истите чекори како за пилешкото за да имаш крцкава тофу шницла за ручек.
Notes
Калории ВЕГЕ: 390 kcal | Масти: 18g | Протеини: 28g | Јаглехидрати: 29g
ВЕЧЕРА: ЌОФТИЊА ОД ЗЕЛКА
Состојки
- 350-400 гр зелка
- 1 кромид
- 1 морков
- 2 јајца
- 3 лажици овесно брашно
- малку пециво
- сол
- буковец
- црн бибер
- мајчина душица
- лукче
За сос:
- нискомасен јогурт или грчки јогурт
- лукче во прав
- сецкана краставица
Инструкции
- Да, добро прочита… и којзнае што си помисли 🙂 Но гарантирам дека се превкусни! Исецкај ја зелката на пола, па стави тенџере со вода до пола на оган малку да омекне зелката, односно десетина минути откако ќе почне да врие и тргни ја на страна, стави ја во цедилка за да се исцеди течноста. Во меѓувреме, морковот и кромидот исецкани запржи ги на малку маслиново масло колку да омекнат и тргни ги на страна да се изладат малку. А ти со рака притисни или со лажица врз зелката за да го исцедиш вишокот вода од зелката. Потоа во еден длабок сад соедини ги сите состојки и од смесата формирај ќофтенца па пржи на загреана тава по 3-4 минути од страна. Можеш да комбинираш со јогурт сос.