ИСХРАНА ВО BUILD SEASON
Ова не е диета – ова е стратегија за резултат. Тука не бројиме калории, не гладуваме и не јадеме „колку да се најде“. Секоја твоја вилушка е чекор кон целта – поцврсто тело, намалени масти и дефинирани мускули.
Целта во оваа програма е калориски дефицит со висок протеин, за да согоруваш масти а истовремено да го задржиш и градиш мускулот. Затоа храната овде ќе ти биде јасно структуирана – 3 главни оброци плус паметна ужина кога треба. Ќе јадеш на време, за да не дојдеш до неконтролирани напади на глад. Шеќерот во крвта мора да биде стабилен – затоа нема шеќери, нема грицки меѓу оброци, нема несвесно јадење.
Кога јадеш – јадеш чисто. Протеин + зеленчук + добар извор на енергија. Ако си надвор и мораш да јадеш – нема изговори: месо/риба + салата, без леб, без сосови, без пржено. Секогаш постои избор – само треба да го направиш.
Кризата ќе дојде, затоа имаш правила:
– Ако ти се јаде благо – избираш овошје или протеински десерт.
– Ако имаш голем глад – зголеми протеин, не леб и тесто.
– Ако излезеш од планот – се враќаш веќе на следниот оброк, не понеделник.
Дисциплината во исхраната ќе ти донесе резултати побрзо од кој било тренинг. Планот веќе го имаш – силата е во начинот на кој го користиш.
✅ Како да јадеш
✔ Јади 3 главни оброци дневно – ова ја стабилизира енергијата и спречува напади на глад.
✔ Додај една протеинска ужина по потреба – помага да останеш во план кога имаш подолги периоди без храна.
✔ Протеин во секој оброк – го чува и гради мускулот додека топиш масти.
✔ Зеленчук на секој оброк – ситост со малку калории + витамини и влакна за подобро варење.
✔ Јади на 3–4 часа – стабилен шеќер во крвта = помалку желби за благо и леб.
✔ Пиј 2–3 литри вода дневно – често гладот е всушност дехидрација.
✅ Што да избегнуваш
✘ Прескокнување оброци – води кон прејадување навечер и слаб напредок.
✘ Сокови, грицки и шеќер – празни калории што го стопираат согорувањето масти.
✘ Прекумерни масла и сосови – додаваат многу калории без да те заситат.
✘ Алкохол во тек на недела – го успорува метаболизмот и регенерацијата.
✘ Емоционално јадење – седни и јади само кога одлучуваш, не по навика.
✅ Ако јадеш надвор од дома
– Бирај протеинско јадење: пилешко/риба/бифтек/јајца – ова ти ја држи целта.
– Комбинирај со салата или зеленчук – прескокни леб, ориз и пржено.
– Барај без сосови и без скриени масла – контролирај ги калориите.
– Ако нема здрава опција – јади протеин само, дома ќе ја дополниш енергијата.
✅ Кризa и искушенија
– Ако ти се јаде благо: протеински десерт, грчки јогурт или парче темно чоколадо.
– Ако одеднаш ти се јаде „се живо“ – прво попиј 500 ml вода и почекај 10 минути.
– Ако си под стрес – јади, не гладнувај. Избери чист оброк, дисциплина над паника.
✅ Ако згрешиш
– Нема казни, нема паника – врати се на план уште на следниот оброк. Не чекај понеделник.
