Материјал 1 од 0
Во тек
ВОНРЕДНО: Менито за понеделник
ПОЈАДОК: МОРКОВ ОМЛЕТ
Состојки
- 2 јајца
- 1 морков
- 2 лажици урда
- 3-4 маслинки за во омлетот
- 1 домат
- рукола опционално
- 1 интегрално лепче
- зачини: шарена сол буковец, црн биб
Инструкции
- Понеделнички да започнеме со што друго ако не со јајцааа. Изрендај го морковот и стави гo во тавче на 1 лажица маслиново масло на тивка температура, а на страна измати ги јајцата (за побрзо може и да го изблендираш морковот заедно со јајцата). За 3-4 минути веќе можеш да ги додадеш јајцата и да покриеш со капак за убаво да ти излезе омлетот, а и не мораш. Кога е веќе готов, премачкај го со урдата, прсни шарена сол, буковец, црн бибер и додај си маслинчиња, домат и рукола. На здравје!
УЖИНА: ЈАГОДИ ИЛИ БИЛО КОЕ ДРУГО СЕЗОНСКО ОВОШЈЕ
РУЧЕК: МЕДИТЕРАНСКО ЌОФТЕ САЛАТА
Состојки
- 150 гр мешано мелено месо
- 1 јајце
- 1 лажица овес
- 1/2 канче грчки јогурт 0% масти
- 1/2 краставичка
- 1 мал бел кромид за меленото месо
- црвен кромид по желба за салатата
- домати
- пиперки
- многу малку фета за врз салатата
- магдонос по желба
- копар и зачини по желба
Инструкции
- Се сечка на ситно белиот кромид, се додава во меленото месо заедно со едно јајце, овес, ситно сечкан кромид, а ако си љубител на луто додади и малку буковец или на ситно сечкано луто пиперче. Оформи ќофтенца или плескавички за побрзо да се испржат.
- Во длабок сад направи салата со домат, црвен кромид и пиперка и на крај нароси многу мало парченце фета врз салатата. Во истиот сад додади го домашното зазики од грчки, краставица рендана и копар со малку масло и сол. Од кога ќе се испржат или испечат плескавичките додади ги во истиот сад и не заборавај дека не треба да користиш премногу масло додека пржиш. Тоа се екстра калории што не ги сакаме!
ВЕГЕ РУЧЕК: ЌОФТИЊА ОД ЛЕЌА
Состојки
- 50 гр зелена леќа
- една рака блитва или штавеј опционално
- ½ кромид
- 2 лажици ориз
- едно чешне лук
- 1 лажиче таан
- свеж магдонос
- малку сок од лимон
- прстофат сол бибер, ким, коријандер
- 1-2 лажици брашно од наут или друго интегрално може и овесно
Прилог:
- свежа салата
Инструкции
- Остави ја леќата покриена со вода 3-4 часа за побрзо да ја свариш. Исцеди ја и измиј ја после киснењето и со нова вода стави ја да се вари (може да ја свариш и претходната вечер). Откако ќе ја свариш повторно исцеди ја од вишокот вода и стави ја во блендер со сите состојки освен брашното. Блендирај до кремаста структура, а брашното додавај го отпосле постепено и мешај се додека смесата не стане соодветна за формирање ќофтиња. Вклучете ја рерната на 200, формирајте ќофтиња и поставете ги на хартија за печење па печи ги едно 30-тина минути. Свари си го оризот во ѓезве и сервирај го како прилог на ќофтињата и комбинирај со свежа салата.
ВЕЧЕРА: ШАРЕНА САЛАТА СО ТУНА
Состојки
- микс зелена салата
- краставица опционално
- ротквица опционално
- кромид
- малку рукола и бејби спанаќ
- 3-4 маслинки
- 1 мала туна
- 1-2 лажица грав од тегла или конзерва
- зачини: сол и црн бибер
- маслиново масло и сок од лимон
Инструкции
- Прво зелката изгмечи ја со раце со малку сол да омекне па истури ги кај неа сите останати состојки, полиј маслиново масло и лимонов сок, промешај и редно е да јадеш. Доколку пак не си баш фан на зелка, можеш да ја замениш со ајсберг или рукола, или мешано – зелена салата која ја сакаш најмногу.