ХРАНА

Уште еден брз појадок и неодоливо вкусен појадок само за Армијата. Лепчињата би било идеално ако се малку потпечени, но и не мора. Се премачкуваат со хумус, потоа се додава доматот, руколата и на крај фетата. Дефинитивно еден од моите поомилени појадоци. На здравје Армијо!

Праските се сечат на коцкички и се варат во 500мл вода додека не омекнат(слободно дуплирај доза и чувај во фрижидер за цела недела).

Од кога ќе се сварат, оставаш водата да се олади, а на праските им се вади лушпата. Се префрла сокот во чаша, додаваш една лажичка мед, сок од лимон, мраз и малку нане.

Освежително, здраво и вкусна летна пијачка. На здравје!

За да го почувствуваш вистинскиот вкус на пилешкото, најдобро е да отстои околу 8 часа во маринадата или од вечер. Не е погрешно и ако го изумиш тоа.

Имаш две опции да го спремиш овој ручек. Да го испржиш пилешкото заедно со сосот па да го буцнеш на стапчиња или живо да го буцнеш и да го ставиш да се пече на мрсна хартија заедно со компирчињата. Внимавај на грамажата!

Имаш две опции да го спремиш овој ручек. Да го испржиш тофуто па да го буцнеш на стапчиња или живо да го буцнеш со сите други состојки и да го ставиш да се пече на мрсна хартија заедно со компирчињата. Внимавај на грамажата!

Се пропржува пилешкото ситно сечкано/црниот грав, се додават зачините и доматите. Кога веќе е при крај пилешкото, на друга тава паралелно загреј ја питата од двете страни. Истури го сосот со пилешкото/црниот грав, додади ја моцарелата, преклопи ја кесадиљата и згмечи ја малку со шпатулата. Од кога ќе се растопи моцарелата сервирај во чинија. На здравје!