ХРАНА

Многу едноставен појадок за подготовка. Во стаклен сад ја додаваш гранолата, млекото и грчкиот јогурт претходно помешани со едно лажиче мед, малку сок од лимон и екстракт од ванила. Бананата ја сечеш на половинка, како на сликава, па и нејзе ја додаваш во стаклениот сад, а веќе на крај ги додаваш и јагодите.

Доколку сакаш да си направиш домашен џем од јагоди, тогаш измиј ги, исецкај ги и стави ги да се пропржат заедно со некој засладувач како стевиа или слично.

Тиквичката се сече на две исти половинки, со лажица се вдлабнува и вади средината па се посолува. Во меѓувреме се пржи кромидот, лукот и сецканите печурки, а од кога ќе се запржат се додава и меленото месо/гравот и пченката и тоа да се пропржи па му се додава доматното пире. Се пржи додека смесата малку не згусне.

Тиквичките се полнат со сосот и се ставаат да се печат. Веќе при крај откако ќе се запечат тиквичките се додава и моцарелата и повторно го враќаме плехот со тиквичките да се допече. Се сервира со салата од краставица. На здравје!

Помислив дека денес веќе си изморена од готвење, а можеби имаш и некој остаток од ручекот, па затоа за денес имаме само салата. Ако сметаш дека си гладна и ти треба повеќе храна, додади и парче стек во оброкот.