Материјал 1,
Тема 1
Во тек
ХРАНА
ПОЈАДОК: КРЕМАСТ ВАНИЛА КОКОС ПУДИНГ
Состојки
- 200 мл кокосово млеко или нискомасно кравјо млеко
- 1 лажица кокосови трошки
- 3 лажици чиа
- 1 лажица течен засладувач
- лажиче ванила екстракт
- 2 лажици овес
- 2-3 оревчиња или пекани
Инструкции
- Сите состојки се блендираат и се остава смесата во стаклена тегла во фрижидер да отстои преку ноќ. Така нема да имаш изговор дека сабајле ќе немаш време за да правиш појадок. Можеш само да си додадеш шумско овошје или пак оревчињата може да ги ставиш врз пудингот место да ги блендираш. Ако изумиш од вечер, можеш и сабајлето да си го направиш појадокот.
УЖИНКА: 1-2 мандарини
РУЧЕК: ПЕЧЕНА БЕЛА РИБА
Состојки
- 200 гр бела риба – панга ослиќ, бакалар….
- 1 лажица маслиново масло
- Зачини –сол бибер, оригано.
- 2 печени црвени пиперки
- 2 мали лажички пармезан
- Лукче свежо
- ½ лимон исцеден
- 2 лажици овес или корнфлекс
- голема зелка салата или свежа туршија без масло карфиол, домат, морков, краставица
Инструкции
- Во тава за печење на хартија постави ја рибата која ја избра за денеска , премачкај ја со маслиново масло и нароси ја со зачините. Измасирај ја со зачините од двете страни, преврти ја и тргни ја на страна додека да го направиш вториот слој односно сос од црвена пиперка. Во блендер стави ги пиперките, пармезанот, лукчето, можеш да додадеш магдонос, лимонов сок и маслиново масло. Оваа смеса ја мачкаш врз рибата, па врз неа овесот или корнфлексот и стави да се пече едно 20 до 30 мин на 200 степени во зависност од тоа колку е тенка рибата.
ВЕЧЕРА: ПИЛЕШКА ФАХИТАС САЛАТА
Состојки
- 200 гр пилешки гради
- пиперки зелена, жолта и црвена исечкани на ленти
- кромид исечкан на ленти
- марула исечкана
- ¼ Авокадо исечкано на ленти
- прстофат сол чили, ким, лук во прав
За дресингот :
- лажица маслиново масло
- лажица сок од лимета
- чили во прав сол
Инструкции
- Загреј едно тавче и во него пропржи ги пилешките гради, пиперките и кромидот заедно со сите зачини, некои 5 минути постојано мешајќи. Сврти го пилешкото и од другата страна, се додека не е готово а зеленчукот додека не омекне. Тргни го од оган и раскини го пилешкото на парчиња, а во друг сад направи го дресингот. Во садот во кој ја стави марулата ги додаваш пилешкото, зеленчуците и дресингот одозгора. Уживај!
ВЕГЕ ВЕЧЕРА: ЌОФТИЊА ОД ПЕЧУРКИ ОД МАРИЈА АТАНАСОВСКА
Состојки
- ½ кромид
- 300 гр печурки
- 3 лажици овес мелен
- ленено јајце 1 лажичка мелено ленено семе промешајте со 3 лажици врела вода и оставете да отстои 10 мин
- Зачини по желба
За дресингот:
- Кисели краставички сечкани со 1 лажица грчки јогур копар и малку сол
Инструкции
- Овој рецепт ни го испрати Марија Атанасовска и сме и многу благодарни за него.
- Најпрво исецкај ги кромидот и печурките. Ако имаш фуд процесор изблендирај ги во него, ако имаш блендер не ги блендај до крај затоа што ќе ти излезе премногу течна смесата и ќе биде невозможно да направиш плескавички. Исцеди ја смесата од водата, па додај го лененото јајце, зачините и овесот. Промешај ја смесата, па формирај ќофтенца. Можеш да ги пржиш, но сакаме да избегнеме користење на масло, па подобро испечи ги на хартија во рерна. Не би им требало повеќе од 20-25 минути, но проверувај ги. Сервирај со кисели краставички, грчки јогурт и малку копар. На здравје!