Материјал 1,
Тема 1
Во тек
ХРАНА
ПОЈАДОК: БАНАНА МИЛКШЕЈК
Состојки
- 1 банана
- 250 мл растително млеко
- 2 урми
- 2 лажици овес
- 1 лажиче путер од кикирики
- Дозерка протеин опционално
Инструкции
- Бананата обично ни е основа на секое смути но никогаш не сме и дале шанса самостојно да не изненади. И банана немој никогаш да фрлаш, штом ти потемни излупи ја, исецкај ја и смрзни си ја во една ќесичка. Не знаеш за кога може да ти се најде, еве на пример за милкшејк. Не мора да е смрзната, само како совет ти давам да не фрлаш храна. Инаку сите состојки стави ги во блендер и уживај во твојот банана милкшејк.
УЖИНА: JАБОЛКО ГРАНОЛА БАРЧЕ
Состојки
- 1 јаболко
- 1 лажиче путер од јаткасти
- 1 голема лажица гранола
Инструкции
- Исецкај го јаболкото на долгнавести парчиња, путерот можеш малку да го растопиш на оган со малку водичка за да добиеш потечна смеса ако е инаку густ, прелиј ги парчињата јаболко и нароси со гранола.
РУЧЕК: ЗИМСКА ШЕФ САЛАТА
Состојки
- Неколку листови зелена салата
- 120 гр компир
- 30 гр сланина / ВЕГЕ замена 50 гр.тофу
- 1-2 пиперки
- 1 јајце
- 3-4 маслинки
- Млад лук или кромид
- Наш мајонез или замена грчки јогурт со сенф по едно лажиче, измешано со балсамик
Инструкции
- Компирот и јајцето свари ги, сланината/тофуто потпечи ја , можеш заедно со пиперката исецкана на ленти. Во длабок сад исецкај марула или ајсберг или било која зелена салата, и додај ги и останатите намирници. Ако имаш од нашиот мајонез тогаш употреби како дресинг една лажица, а ако не зачини си по твоја желба.
Notes
ВЕГЕ Калории: 310kcal | Масти: 10g | Протеини: 18g | Јаглехидрати: 36g
ВЕЧЕРА: ЗЕЛЕНИ ПАЛАЧИНКИ
Состојки
- 2 големи лажици нискомасна урда
- 3-4 бриќети смрзнат спанаќ или две раце свеж
- 1 јајце
- 2 лажици овесно брашно (или овесни смелени)
- Прстофат сол, многу малку прашок за пециво
Инструкции
- Сугестии за сервирање: 1 лажица ајвар, кисели краставички , 5-6 маслинчиња
- Спанаќот одмрзни го и исцеди го од вишокот вода. Урдата ја ставаш во чинија, додај го јајцето и спанаќот и измешај со вилушка се заедно. Додај го брашното и мешај темелно додека не стане хомогена смеса без грутки. За побрзо пак, ако сакаш пробај и во блендер. Загреј сува нелеплива тава и пржи/печи ги палачинките (околу 2 лажици тесто по палачинка) од прилика 3 минути се додека дното не порумени малку. Сврти и пржи уште 2 минути.