ХРАНА

ПОЈАДОК: БАНАНА МИЛКШЕЈК

Калории 506 kcal

Бананата обично ни е основа на секое смути но никогаш не сме и дале шанса самостојно да не изненади. И банана немој никогаш да фрлаш, штом ти потемни излупи ја, исецкај ја и смрзни си ја во една ќесичка. Не знаеш за кога може да ти се најде, еве на пример за милкшејк. Не мора да е смрзната, само како совет ти давам да не фрлаш храна. Инаку сите состојки стави ги во блендер и уживај во твојот банана милкшејк.

Калории 309 kcal

Исецкај го јаболкото на долгнавести парчиња, путерот можеш малку да го растопиш на оган со малку водичка за да добиеш потечна смеса ако е инаку густ, прелиј ги парчињата јаболко и нароси со гранола.

Калории 426 kcal

Неколку листови зелена салата
120 гр компир
30 гр сланина / ВЕГЕ замена 50 гр.тофу
1-2 пиперки
1 јајце
3-4 маслинки
Млад лук или кромид
Наш мајонез или замена грчки јогурт со сенф по едно лажиче, измешано со балсамик

Компирот и јајцето свари ги, сланината/тофуто потпечи ја , можеш заедно со пиперката исецкана на ленти. Во длабок сад исецкај марула или ајсберг или било која зелена салата, и додај ги и останатите намирници. Ако имаш од нашиот мајонез тогаш употреби како дресинг една лажица, а ако не зачини си по твоја желба.

ВЕГЕ Калории: 310kcal | Масти: 10g | Протеини: 18g | Јаглехидрати: 36g

Калории 343 kcal

Сугестии за сервирање: 1 лажица ајвар, кисели краставички , 5-6 маслинчиња
Спанаќот одмрзни го и исцеди го од вишокот вода. Урдата ја ставаш во чинија, додај го јајцето и спанаќот и измешај со вилушка се заедно. Додај го брашното и мешај темелно додека не стане хомогена смеса без грутки. За побрзо пак, ако сакаш пробај и во блендер. Загреј сува нелеплива тава и пржи/печи ги палачинките (околу 2 лажици тесто по палачинка) од прилика 3 минути се додека дното не порумени малку. Сврти и пржи уште 2 минути.